राज्यातील सर्व विद्यार्थ्यासाठी आनंदाची बातमी..

राज्यातील सर्व विद्यार्थ्यासाठी आनंदाची बातमी..

राज्यात समूह शाळा उभारण्याचा शिक्षण विभागाचा विचार आहे. त्यानुसार आता राज्यभरात १६३ ठिकाणी समूह शाळा उभारण्याचे प्राथमिक प्रस्ताव शिक्षणाधिकाऱ्यांनी आयुक्त कार्यालयाकडे सादर केले आहेत. त्याची व्यवहार्यता तपासून आयुक्त कार्यालयाकडून हे प्रस्ताव राज्य सरकारकडे पाठवले जाणार आहेत आहे..
राज्यातील कमी पटाच्या शाळांमध्ये विद्यार्थ्यांना पुरेशा सोयी सुविधा मिळत नसल्याने या शाळांचा समूह शाळा पद्धतीने विकास करण्याचा विचार सरकारकडून सुरू आहे. नवीन शिक्षण धोरणात दर्जेदार शिक्षणासाठी विद्यार्थ्यांना १८ प्रकारच्या सोयीसुविधा मिळणे अपेक्षित आहे. त्यामध्ये प्रयोगशाळा, ग्रंथालय, बोलक्या भिंती, ग्रीन चॉक बोर्ड, ई-लर्निंग सुविधा, क्रीडांगण, परसबाग, शाळेची संरक्षण भिंत आदींचा समावेश आहे.
मात्र शिक्षणाचे सार्वत्रिकरण करण्यासाठी वाड्यावस्त्यांवर सुरू झालेल्या अनेक शाळांची पटसंख्या २० पेक्षा कमी आहे. राज्यात २०पेक्षा कमी पटाच्या १४ हजार ७८३ शाळा आहेत. या शाळांमध्ये १ लाख ८५ हजार विद्यार्थी शिकत आहेत. तर २९ हजार ७०७ शिक्षक या शाळांतून अध्यापनाचे काम करत आहेत. या विद्यार्थ्यांना गुणवत्तेच्या अनुषंगाने विविध सुविधा मिळाव्यात यासाठी नंदुरबार येथील तोरणमाळ आणि पुण्यातील पानशेत येथील समूह शाळांच्या धर्तीवर राज्यातील दुर्गम भागात समूह शाळा तयार करण्याचा सरकारचा मानस आहे.
सप्टेंबरमध्ये दिले होते आदेश :
राज्याचे शिक्षण आयुक्त सूरज मांढरे यांनी कमी पटाच्या शाळांचे एकत्रीकरण करून समूह शाळा तयार करता येतील, असे प्रस्ताव सादर करण्याचे आदेश यांनी राज्यातील विविध जिल्ह्यांतील शिक्षण उपसंचालक आणि शिक्षणाधिकारी यांना सप्टेंबरमध्ये दिले होते. त्यानुसार राज्यभरातील विविध जिल्ह्यांतून १६३ समुह शाळा सुरु करण्याबाबतचे प्राथमिक स्तरावरील प्रस्ताव शिक्षण विभागाला प्राप्त झाले आहेत. शिक्षण विभागाकडून या प्रस्तावांची सुसाध्यता तपासली जाणार आहे. त्यामध्ये भौतिक सुविधांच्या विकासासाठी अपेक्षित खर्च, तसेच विद्यार्थ्यांच्या घरापासून समुह शाळेपर्यंत वाहतूक करण्यासाठी येणारा खर्च यांची तपासणी केली जाणार आहे. त्यानंतर हे प्रस्ताव राज्य सरकारकडे सादर केले जाणार आहेत, असे सूत्रांनी सांगितले.
ठाण्यात एक समूह शाळा :
ठाण्यातील शहापूर तालुक्यातील डेहणे या गावात समुह शाळा तयार करण्याचा विचार केला जात आहे. जिल्हा परिषद शाळा डेहणे या शाळेत सद्यस्थितीत ७४ विद्यार्थी शिकत आहेत. तर या शाळेत दोन शिक्षक कार्यरत आहेत. जि. प. शाळा डेहणे या शाळेत एकूण सहा शाळा समाविष्ट करून त्यांची समूह शाळा तयार करण्याचे प्रस्तावित करण्यात आले आहे. तसा प्रस्ताव ठाणे जिल्हा परिषदेकडून शिक्षण आयुक्तांकडे सादर करण्यात आला आहे. समूह शाळा तयार झाल्यावर डेहणे येथील समूह शाळेची विद्यार्थी पटसंख्या १६२ होणार आहे. येथे सात शिक्षक कार्यरत असतील, असे अधिकाऱ्यांनी सांगितले आहे… 

सर्व update साठी व PDF file साठी What’s app group जॉईन करा 👇👇
https://whatsapp.com/channel/0029Va93j2zJJhzaKxMLHn0y

दहावी बारावी बोर्ड परीक्षा नोट्स साठी खालील लिंक वर क्लिक करा 👇👇

https://chat.whatsapp.com/D2TUqZEc53mLg9lfvVI1iJ

Facebook Page ला फॉलो करा👇👇
https://www.facebook.com/Nana-Foundation-105547428725897/

पूर्ण माहितीचा व्हिडिओ पाहण्यासाठी खालील लिंक वर क्लिक करा .You tube वर Search 🔎 करा- nana foundation

https://youtube.com/c/nanafoundation

Instagram account ला फॉलो करा 🖇️ लिंक खालील प्रमाणे आहे
http://www.instagram.com/nana_foundation7

PDF file साठी खालील  🔗 लिंक वर क्लिक करा
https://t.me/n_f07

Click on 🔗 link below for PDF file

https://t.me/n_f07

Click on the link below to watch the full info video🎦📺

https://youtube.com/c/nanafoundation